ايهما نختار لو خيرنا ما بين الصفتين العناد و الغباء ؟
اكيد الاجابة الفورية تحتم علينا التنكر من كليهما معا !!
ومن اجل هذا فلاداعى للحيرة ووجع القلب...فالاثنان وبدون شك وجهان لعملة واحدة ...!!!!
تعالوا نفكر وبسرعة .. كم من المرات قمنا وبأصرار على عمل نحن نعلم تماما انه خطأ .. أو حرام .. او مؤذى .. أو غير لائق ؟
لو ركزنا قليلا لوجدنا انه لم يمض كثيرمن الوقت على آخرعمل قمنا به و يتصف بالعناد والغباء معا.....
الحاجة اللى تضحك وتبكى فى نفس الوقت اننا بنبقى عارفين بل متأكدين من داخلنا ان ما نفعله غلط جدا ولكن العند فى الاعتراف بالحقائق والاصرار على الخطأ بغباء.. بيوقعنا فى شر اعمالنا ...
فمثلا
البنت .. بتبقى مقروصة من الجحر الف مرة وبرضه مصرة ان الباشا حبيب القلب هو كل حاجة فى الدنيا..... وبالرغم من ان كل تصرفاته بتؤكد أنه حالنجى و بيلعب ويتسلى بمشاعرها .. ولكن احنا بنكلم مين؟ الاخت فى دنيا غير الدنيا يصاحبها عناد غريب بعدم الاعتراف بالحقائق ويحاصرها غباء مستحكم فى الاصرار على ماهى عليه.!!
والولد ..عارف ومتأكد ان الشلة اللى ماشى معاها لخبطت حياته وأفسدت ما اصلحه الدهر .. ولكن هيهات ان يتنازل عن كونه فرد فى القطيع الضائع ... انه يعاند نفسه وضميره النائم ويلوى الحقائق ...
والزوجة .. المصرة على افشاء اسرار بيتها لكل من هب ودب ... وهوايتها الوحيدة افتعال الشجار لاتفه الاسباب.. وعلى الرغم ان حياتها الزوجية اصبحت مهددة بالانهيار الا انها مصرة بعناد وغباء انها صح ....!!
والزوج الدون جوان .. الذى يلهث وراء كل انثى دون مراعاه لزوجة او اسرة او للمجتمع من حوله .. لا يفكر ولايستمع لصوت العقل والضمير ويصر بعناد وغباء على انه معبود المراهقات وانه مش عارف يعمل ايه فى المعجبات الملتفين من حوله ... حالة ميئوس منها !!!
والمدرس ابو ذمة خربانة .. والطبيب التاجر ... والموظف المرتشى .... والسائق المستهتر .. والمدير المتسلق والمداهن ... والعامل الذى لايراعى ضميره ........والتلميذ المصر على الفشل ... وغيرهم!!!!
كل اللى فات كان مجرد حالات من الآف الحالات التى نتعرض لها يوميا ولا ننتبه لها الا بعد فوات الاوان ... فنحن ان لم نستوعب الدرس فى حينه ...... فسرعان ما ينتهى الدرس بخسائر قد تدمرنا وقد تغير مسار حياتنا ..
لماذا لانسعى جاهدين فى التخلص من تلك الآفتين معا..... العناد فى الصح والاصرار بغباء على الغلط
اكيد الاجابة الفورية تحتم علينا التنكر من كليهما معا !!
ومن اجل هذا فلاداعى للحيرة ووجع القلب...فالاثنان وبدون شك وجهان لعملة واحدة ...!!!!
تعالوا نفكر وبسرعة .. كم من المرات قمنا وبأصرار على عمل نحن نعلم تماما انه خطأ .. أو حرام .. او مؤذى .. أو غير لائق ؟
لو ركزنا قليلا لوجدنا انه لم يمض كثيرمن الوقت على آخرعمل قمنا به و يتصف بالعناد والغباء معا.....
الحاجة اللى تضحك وتبكى فى نفس الوقت اننا بنبقى عارفين بل متأكدين من داخلنا ان ما نفعله غلط جدا ولكن العند فى الاعتراف بالحقائق والاصرار على الخطأ بغباء.. بيوقعنا فى شر اعمالنا ...
فمثلا
البنت .. بتبقى مقروصة من الجحر الف مرة وبرضه مصرة ان الباشا حبيب القلب هو كل حاجة فى الدنيا..... وبالرغم من ان كل تصرفاته بتؤكد أنه حالنجى و بيلعب ويتسلى بمشاعرها .. ولكن احنا بنكلم مين؟ الاخت فى دنيا غير الدنيا يصاحبها عناد غريب بعدم الاعتراف بالحقائق ويحاصرها غباء مستحكم فى الاصرار على ماهى عليه.!!
والولد ..عارف ومتأكد ان الشلة اللى ماشى معاها لخبطت حياته وأفسدت ما اصلحه الدهر .. ولكن هيهات ان يتنازل عن كونه فرد فى القطيع الضائع ... انه يعاند نفسه وضميره النائم ويلوى الحقائق ...
والزوجة .. المصرة على افشاء اسرار بيتها لكل من هب ودب ... وهوايتها الوحيدة افتعال الشجار لاتفه الاسباب.. وعلى الرغم ان حياتها الزوجية اصبحت مهددة بالانهيار الا انها مصرة بعناد وغباء انها صح ....!!
والزوج الدون جوان .. الذى يلهث وراء كل انثى دون مراعاه لزوجة او اسرة او للمجتمع من حوله .. لا يفكر ولايستمع لصوت العقل والضمير ويصر بعناد وغباء على انه معبود المراهقات وانه مش عارف يعمل ايه فى المعجبات الملتفين من حوله ... حالة ميئوس منها !!!
والمدرس ابو ذمة خربانة .. والطبيب التاجر ... والموظف المرتشى .... والسائق المستهتر .. والمدير المتسلق والمداهن ... والعامل الذى لايراعى ضميره ........والتلميذ المصر على الفشل ... وغيرهم!!!!
كل اللى فات كان مجرد حالات من الآف الحالات التى نتعرض لها يوميا ولا ننتبه لها الا بعد فوات الاوان ... فنحن ان لم نستوعب الدرس فى حينه ...... فسرعان ما ينتهى الدرس بخسائر قد تدمرنا وقد تغير مسار حياتنا ..
لماذا لانسعى جاهدين فى التخلص من تلك الآفتين معا..... العناد فى الصح والاصرار بغباء على الغلط
ياريت نحكم عقولنا شوية ونتصالح مع ضمائرنا ونعلن بصدق قرار مقاطعة العناد فى الحق .
هناك 51 تعليقًا:
حقا احييك بشدة على اختيارك للموضوع
فكم من نماذج ذكرتها نراها كل يوم واوقات نقوم بنصيحتهم واوقات اخرى نكون نحن هم نتمسك ببعض من العناد والغباء ايضا
ولكنه كما قلت العقل .. فقط ان تحكم عقلك وان تعطى فرصة لتستمع لصوت العقل والضمير معا
فاحيانا نتجاهل صوت ما بداخلنا ينادى من بعيد ليصحح المسار
نتجاهله حتى يختفى ونقوم بعناد انفسنا قبل اى شخص اخر
فقط لو نستمع لصوت العقل قبل فوات الاوان
تحياتى ودمت دائما بكل الخير
والله انت زي العسل فنحن ازاء الغباء والعناد بين رغبة ورهبة
وفي نهاية المطاف نحن اغبياء معاندين
:)
حاسه ان الكلام ده فى حته كده فيه شبه من
بس نعديها
هو كويس اللى حضرتك بتقوله لكن خلينى اقول لحضرتك اذا كان مصيبه اننا نعمل الغلط واحنا مدركين ولو من جوانا بس انه غلط اهون كتير من اننا نعمله واحنا مش عارفين انه غلط
لاننا لو عارفين ممكن يجى وقت وضميرنا يصحى ونحاول نصلحه
انما لو مش عارفين اصلا هنفضل طول عمرنا زى اللى ظلمات مش عارفين نحدد نهايتها
مش كده ولا انا خرفت؟:)
يلا وحشتنى مدونة حضرتك والله
بس بلاش التأنيب ده :))
نسيت اقولك
الصورة تحفة .....تجيب احساس بالغثيان من كترالقرف من تشبيه الصفتين :))
حطيت لينا امثله هايله وموجوده فعلا
بس فى رأيى العنيد ممكن نرجعه عن تفكيره لكن الغبى لا يمكن مهو متسم بصفه تخليه ميفهمش
اما العنيد لو حاصرته بشوية حقايق لا مفر منها ممكن تكسبه وترجعه عن افعاله
وبعدين انا مش عارفه الناس بتكابر ليه
انى اكون عنيده او غبيه فى شيء بيضرنى اهو دا للاسف قمة البلاهه وهضر نفسى قبل تسببى فى الضرر لغيرى
عامة لو صاحب اى مشكله كان انسان حكيم وفكر شوية واخد بنصيحة ناس بيثق فيهم وبطل كبر او عناد او غباء
هنقدر نصلح بعض مما فاتنا ونتدارك اخطائنا
وبما ان مفيش حد فينا معصوم من الخطأ يبقى سهل نقر بخطأنا ونرتجع عنه ونتبع الحق
بس فى الاخر هنقول الناس أجناس
مش كلهم ليهم نفس التفكير ولا هنقدر نرجعهم كلهم بس لعل وعسى
تحياتى ليك ولقلمك
ياااااااه اخيرا
انت كنت مختفى فين من زمان
دا انا مت وصحيت وانت مختفى
عالعموم حمدالله عالسلامه والتدوينه طبعا كالعاده رائعه
السلام عليكم
ربنا يبعد عنا الصفتين دول ويهدينا ويجعلنا نستسلم لاوامره بدون عند واصرار على الغلط
لان فعلا ده هو الغباء بعينه اننا نعرف الغلط ونصر عليه فده في راي اكثر سوءا من الذي لا يعلم الغلط ويفعله لانه يكون جاهلا به وقد يتبع الصواب لو علم ان فعله هو الخطأ.
اسفة انا اسمي سلمى وليس سالمة لانك في التعليق على الموضوع الماضي ذكرت اسمي خطأ.
اول ما قريت السؤال فكرت لحظات اختار ايه قبل ما اكمل القراءة .. لقيت ان الاتنين هيودوا لنفس الطريق بس فكرت انه كدة مينفعش العب واكمل القراءة للاخر بس كملتها
صحيح ليه الناس كلها فعلا فيها شئ او اشياء او كل الصفتين
كل الامثلة دي بتحصل وللاسف مع العلم انها تصرفات بتجيب مشاكل
اصرار علي الخطأ
------------------------------------
ياريت نحكم عقولنا شوية ونتصالح مع ضمائرنا ونعلن بصدق قرار مقاطعة العناد فى الحق .
------------------------------------
اتفق معك تماما في هذا
تحياتي
رائع انت في كل مواضيعك
وأظنك مهتم في علم النفس او الاجتماع
ظاهرة العناد فعلا ظاهرة منتشرة
واظن ان محركها هو الانسياق وراء رغباتنا واهوائنا دون أن نحكم عقولنا
تحيتي
اديك قولتها بجد
ياريت فعلا نحكم عقولنا شويه لالا مش شويه كتيييييييييييييير
العناد بقي صعب اطلعه من حياتي
مش حبا في العتاد ولا حاجه
لكن لاني اتعود علي كدا
يعني انه مثلا مش بحب حد يقولي اعملي الحاجه كذا يمكن اكون عارفه وواثقه انه بيقول الصح بس بتكلم مين مفيش فايده
المشكله بقي اللي واضحه اوي هنا
ان العناد غباء فعلا
لما بتبقي عارف الصح والغلط بس بتعند وتعمل الغلط
منتهي الغباء حقيقي
بس هحاول التغير
احييك علي البوست الجامد دا
تسلم ايدك
تحياتي
فراشه الشتاء
بسم الله الرحمن الرحيم
الأخت الفاضلة / وميض ابتسامة
لمست بكلماتك جرح الأمة النازف
وألم الأمة الجارف
إنه مرض المجتمع من نقص التربية
التربية التى غفل عنها المربون : آباء ومعلمون
نحن فى حاجة إلى إعادة صياغة لخلق المجتمع ولا يتأتى هذا إلا ببذل كل فرد منا كل طاقاته فى إعادة هذه الصياغة فلنبحث عن الحل سويا
كيف نكسر العناد من قلوب الناس وكيف نغرس التواضع فى النفوس وكيف نرقق قلوب الأقوياء على الضعفاء والأغنياء على الفقراء فلنجعل وميض الابتسامة باعثا لنا بالأمل فى التغيير ولنبحث سويا على سبل لذلك التغيير
اجدت بشدة عرض النماذج الموجودة وان تحصريها فهى اكثر من تحصى ولو فى مجلد ضخم
ولكن يبقى الرجاء فى النهاية بتحكيم العقول عسى ان نخرج مما نحن فيه
تحياتى وخالص مودتى
العزيزة لحظة تأمل
اشكرك كثيرا على اطرائك بالنسبة لاختيار الموضوع ..ولكن الحكاية كانت شغلانى جدا .. ليه الانسان بيبقى شايف الغلط ويصر على فعله بل وتكراره فى عناد يكاد يصل الى حد الغباء!!
وبقول لو اننا انتبهنا فى الوقت المناسب وحسبناها صح جايز ده يمنع عننا بلاوى كتيرة مستخبية
تحياتى .. وعلى فكرةتدوينتك الاخيرة اكثر من رائعة .. كالعادة.
الاخ الفاضل مصطفى زهران
اهلا بك .. واهلا بتعليقك واشكرك على ظرفك وكلامك الطيب
وقد اوجزت ولكنك اوضحت نقطة محل اعتبار الا وهى كوننا فى نهاية المطاف اغبياء معاندين..
شكرا ودمت صديقا
الابنة الحبيبة حبيبة
انا شايف ان اللى بيعمل غلط وهو مش عارف انه غلط فأكيد لو عرف الصح ح يعمله..
اما اللى عارف انه بيعمل الغلط ومصر عليه بعناد يكاد يصل الى حد البلاهة والغباء فهذا هو المقصود بالموضوع ..
انت الحكاية عكست معاك فالاول رغم انه مش عارف فله عذره رغم ان الجهل بالقانون لا يمنع من العقوبة.. المهم ماعلينا منه..لانه لو عرف المفروض يتراجع.
اما التانى فهو عارف.. يعنى مع سبق الاصرار والترصد ومش ناوى يتراجع..
يبقى ده عايز ايه بذمتك؟
اما عن الصورة فتم اختيارها بالصدفة والحمد الله انها عجبتك ..
تحياتى ودعواتى لك بالنجاح الباهر
عزيزتى نور شاهين
اشكرك كثيرا على تعليقك ولكن احب ان اوضح اننى لم افصل الصفتين عن بعضهما فالمقصود ان العنيد قد يتشبث بفكرته الى درجة الغباء بالرغم من خطورتها او عدم لياقتها او لاى سبب غير سوى ..
وطبعا انا معاك ان هناك فرق شاسع بين الغبى والعنيد .. وهذا ما لم اقصده.
وحيث ان كلنا قد نتعرض لمثل هذه الحالات
فأتمنى من الله ان نحكم عقولنا ونستعيذ بالله من شياطين الانس والجن حتى نقى انفسنا من شر الوقوع فى شرور اعمالنا
خالص تحياتى واهلا بك دائما وكل عام وانت بخير
استاذى العزيز من اختار العناد طريقا وهو يدرى فهو وحده من يتحمل عثرات الطريق التى تواجهه ولربما فى نهاية المطاف يعى الدرس الجيد من هذه العثرات التى واجهته وان لم يعى الدرس جيدا فحتما انه مصر على الغباء لذا الغباء هو اختيار الشخص فلذلك لا يستحق التعاطف معه او تاخذنا به شفقه
اشكرك جدا على هذا الطرح الشيق
مودتى واحترامى
العزيزة انا حرة
اولا الغيبة مش مقصودة انما لظروف
ثانيا اشكرك على الاطراء والثناء على التدوينة وان كنت لم ارى تعليقك بعد والذى يهمنى ..
خالص تحياتى وكل عام وانت بخير وصحة وسلامة
عزيزتى سلمـــى
الغلطة غير مقصودة والله لكن العيب فى الترجمة ..
المهم انا بتفق معك فى ان اللى ميعرفشى انه بيعمل حاجة غلط فده عنده عذره ..ولكن بالرغم من كدة فهناك قاعدة قانونية سخيفة بتقول الجهل بالقانون لا يمنع من العقوبة..
عموما مش ده موضوعنا انا بتكلم على الغلطات اللى تودى فى داهية وتلقى بفاعلها عن عمد الى طريق الندامة..
شكرا للتعليق يا سلمى واهلا بك دائما صديقة وكل عام وانت بألف خير
العزيزة كوتشيا
للاسف النماذج دى موجودة وبتقابلنا فى حياتنا اليومية وقد نكون نحن احد هذه النماذج للاسف .. لذلك احنا فى اشد الحاجة للانتباه وايقاظ ضمائرنا اللوامة .. لعلنا نحظى بالصمود امام الغلط وانتزاع العناد وتابعه الغباء من حياتنا نهائيا...
تحياتى وكل عام وانت والاسرة الكريمة بخير وسعادة بمناسبة رأس السنة الهجرية
عزيزتى شهرذاد
اشكرك على ملاحظتك اللماحة بخصوص استهوائى لمواضيع تقترن بعلم النفس
واتمنى ان يتمكن الانسان من مقاومة العناد واستمراء الغلط حتى لا يقع فى حيرة الندامة .. فالعناد اغواء شيطانى لافكاك منه الا بأيقاظ الضمائر
اهلا بك دائمة وشكرا لتعليقك .. وكل عام وانت والاسرة بخير بمناسبة رأس السنة الهجرية
في البدء
عظم الله لنا ولكم الأجر بهذا المصاب الجلل.. مع أني أغبط أولئك الأبرار صناع الحياة، فهم قد تخلصوا من منظر رؤية تجويعنا لأطفالهم وحراريهم.. لا يعرف معنى الجوع إلا من عاشه.. أتذكر أن إمرأة من منطقة الأعظمية لم تتحمل تضور صغارها من الجوع فقامت برمي نفسها في النهر وهي تحتضن صغارها- أبان الحصار الذي فرضته علينا الحكومات العربية كما هو الحال اليوم مع غزة-
التجويع لعمري أشد عقوبة يواجه بها الأحرار..انا لله وانا إليه راجعون.. وسيعلم الذين ظلموا أي منقلب ينقلبون!
.....................
أتذكر أني قرأت مرة في أحدى تدويناتكم .. قد كتبتكم ما مضمونه:[ أن المرأة تستقل ويجن جنونها من أجل أن تتزوج].. وكم ضحكت في حينها.. فهي عين الصواب
لكن هذه المرأة هي حصيلة ما عمل المجتمع على ترسيخه في ذهنها ولديكم مثل يوجزه [ ظل رجل ولا ظل حيطة].. ولكن أي رجل هذا؟!.. أظن المقصود: أنه حتى لو كان أحد أولئك القردين - مع خالص الإعتذارمن الرجال
نعم هي تعلم أنه لا يستحق وتقول أنه لايستحق.. لكن تريده لأنها ستكون مشفوعة الذنب والطلب..
بالمناسبة تره " الغباء موهبة ".. أي أنه لا مجال للأختيار عند أصحابه.. تحياتي لك ولنهجك اللطيف في أستعراض المشاكل وتحليلها
العزيزة مولان
انا صحيح من انصار تحكيم العقل ولكن هناك بعض الامور التى لابد ان تؤخذ فى الاعتبار ... وهى الضمائر الصاحية والنفس اللوامة .. ويدونهم ممكن العقل يفوت ويتراجع تحت ضغط الرغبات والعناد فى الغلط ..
اتمنى ان تتقلص مساحة العناد فى نفوسنا حتى لانتهم بالغباء
كل سنة وانت طيبة بمناسبة رأس السنة الهجرية اعادها الله علينا بالخير والبركات
عزيزتى سهر الليالى
انا معنديش اى مانع انك تكونى عنادية بس فى حاجات لا تضر يعنى عند البنات اللى عايزين يعيشوا سنهم ويحسوا بحب اهلهم ليهم ..
لكن اكتر من كده اظنه حيكون مش كويس وخصوصا لو انت عارفة انك غلطانة وانك بتعملى حاجة غلط ..وبرضه مصرة على الغلط .. يبقى كدة دخلنا برجلينا
لطريق الغباء .. والاذية قد تضرنا وتضر من نحب ..
اشكرك لمجرد رغبتك فى المحاولة .. فهذا معناه انك فتاة جميلة الروح والقلب
كل سنة وانت طيبة وبخير دائما مع خالص تمنياتى لك بنجاح باهر بأذن الله
بجد كلامك حلو بس عامتا مرايه الحب عاميه وكمان اللى بيكون داخل الموقف مش بيعرف قيمته اذن كا غلط او صح الا بعد فات الوقت وده اللى انت بتسميه عند وغباء وشكرا
السلام عليكم ورحمة
الله تعالى وبركاته
إن سمحت لى لا أراهما متلازمتين
فالغبى عنيد لانه لا يعلم
(ربنا خلقه كده!!!)
اما العنيد فهو حقاً غبى
لانه لايسمح لغير افكاره
بالدخول الى رأسه
(وصراحة صراحة صراحة!!!!
لااحب كلمة غبى هذه على الاطلاق!)
عزيزى الازهرى
لقد خلق الله العقول حى تستنير بها القلوب والنفوس
خالص تحياتى وكل عام وانت بخير
السلام عليكم
موضوع جميل و مميز اوووووي
بوست رائع
اتمني زيارتك الي مدوتي المتواضعه
تحياتي
****************
القلب المنكسر
*****************
و السلام عليكم و رحمه الله براكته
السلام عليكم
شكرا لك وميض ابتسامه على تصحيح اسمي,
انا عارفه انها حاجه بالنسبه للناس حاجه تافهة بس كتير بيغلطوا في كتابة اسمي ويكتبوه سالمة بدل سلمى وانا مش بحب كده لان في واحده انا مش برتاح لها اسمها سالمه.
(:
عزيزى
قبل ما نتكلم على مواقف غيرنا
نشوف احنا بنعمل ايه وساكتين على ايه
مدونة قطة الصحراء
فى عز ضرب حماس وغزه
والشهداء اللى بتبكى عليهم
بتقول
يبقى حماس والاخوان والجهاد إلى اسفل السافلين
ربنا ينتقم من الحمساوية ومن الاخوان ومن الجهاد
طبعا مفيش اسرائيل ولا امريكا
انا بعتبرها سافله وخايبه وبقول
ربنا ينتقم منها بدم الشهداء
حضرتك بتخش عندها وشايفها ايه
وبلاش نتكلم عن حكامنا وضعفهم
لانكم اضعف من حكامكم بسكتكم وترحبكم بالقذره دى
مستنى رائيك
وموقفك الواضح والحاسم
التدويين راى وموقف
مش صحبة ولمه وتبادل زيارات
بالذات فى موضوع خطير كده
وبلاش تقولى ده راى
دى عمالة وخيانة وقذراة وزبالة
وشوفوا ده فى مصراوى
شاهد عيان: حماس لم تقتل الضابط المصري
http://www.masrawy.com/News/Egypt/Politics/2009/january/1/rafah.aspx
وده لينك الموضوع
http://mshmuwafk.blogspot.com/
سلام
يقولون أنه عندما وزع الله الأرزاق .. لم يرض أي من الناس برزقه
بينما عندما وزع الله العقول .. كل إرتضى عقله .. ويرى من وجهة نظره أن ما يفعله هو صوابا
هذا ما أشرت إليه أنت بالعناد
والعناد (أي الإصرار على الخطأ) هو أحد أنواع الغباء بالفعل .. وصاحبه لا يدرك ذلك أبدا .. فهو يمارسه دون وعي
لا إختيار في ذلك .. إنها طبيعة العقول .. قدرات لا يمكن تعديلها
كلام صح وميض ابتسامه ميه فى الميه
ساعات فعلا تلاقى ناس مصره على رأيها الخاطئ او فعلها الخاطئ لدرجة ان الواحد ميلقيش مسمى افضل من غباء على هذا التصرف
بس احنا برضه اكيد فى احيانا نعاند
السبب بيبقى رغبة النفس فى النشوى والانتصاره
لكن لما يزيد الامر عن حده ويصل لعدم قبول النصيحه والتمادى فى الخطأ يؤدى إلى داء العُجب ربنا يعفينا منه يارب
اللى بيبقى محبط للأعمال
شكرا ليكى اوى على الموضوع
بجد موضوغ في منتهي الروعه ووضحت حاجات كانت غفله علي ناس كتيره
وعندك حق لأزم نتعلم الدرس كويس قبل ما يفوت وقت التصحيح
تقبل مروري
مجنووون
صعب جدا ان احنا نتخلص من هالثنائي
الا بعد جهد جهيد..!
بس اكيد ساعتها النتيجه بنكون رائعه
بدون شك :)
العزيزة قطة الصحراء
تم تقييم العناد فى الحق بمعيار الغباء وعلى صاحبه يقع وزره .. وهذا من شأنه ان يهدر امور كثيرة كان من الاولى ان تسير بطريقة صحيحة ولكن هيهات ..
شكرا على المشاركة
مع تحياتى
العزيزة سراج
اما عن التجويع فالطعام اصبح اكثر من متوفر .. اما عن القتل والحصار والدمار والشهداء فهم ايضا متوفرين
فاليرحم الله شعب غزة ..
اما عن رأيك فى الاختيار .. وتحديدا اختيار المرأة لزوج المستقبل .. فأتمنى ان يكون هذ الاختيار تحديدا بلا عناد او غباء لانه اختيار اهم مرحلة فى العمر .. ونتائجة تؤثر بطريقة أو بأخرى بمستقبلنا جميعا
خالص تحياتى
العزيزة سندريللا
صحيح مراية الحب عمياء
ولكن احيانا نرى من خلالها مالانريد ان نصدقه .. نرى القبح ونظنه جمالا .. نرى الشيب ونظنه شبابا ..اى اصرار هذا على صحة ما نراه والحقيقة غير ذلك
فاليرحم الله ضمائرنا حتى نرى الحق حقا
خالص تحياتى
العزيزة norahaty
لم اقصد بالغباء من خلقه الله غبى بطبعه ولكنى قصدت المواقف الممزوجة بالغباء وتحديدا العناد الممزوج بالغباء .. فى امور نراها جميعا لا تحتاج الى فصال ..
اسعدنى مشاركتك وآسف على تأخير التعليق لكثرة مشاغلى فى الآونة الاخيرة
العزيز القلب المنكسر
شكرا لاطرائك .. وسأقوم بزيارة موقعك ان شاء الله
مع تمنياتى لك بالنجاح
العزيزة سلمى
انت انسانة رقيقة للغاية وكذلك حساسة ومن اجل هذا لم يكم من الممكن تجاهل رغبتك فى تصحيح الاسم .. ومعذرة على هذا الخطأ الغير مقصود طبعا
خالص تحياتى وتمنياتى بتحقيق كل الامنيات
العزيز احساس لسة حى
توقفت كثير عند كلماتك التى عبرت فيها عن استهجانك لمواقف ما من صاحبة مدونة قطة الصحراء .. وعن عدم رضائك بطريقة أو بأخرى عما تدونه ومواقفها تجاه حماس والاخوان والمجاهدين ..!!
عزيزى بهدوء سوف اتكلم معك ..
عندما قررت ان اخوض تجربة الكتابة اسعدنى كثيرا ان اعبر عن رأيى وان اتلقى ارائكم سواء كانت بالايجاب أو بالسلب لقد طرقت ابواب الكثير من المدونات وكنت اقرأ فأعلق أو امتنع .. وانا لا انكر ان قطة الصحراء لها نهج وأسلوب قد لا يتفق مع نهجى واسلوبى .. ولكن هذا لا يمنع ان اعلق احيانا على ما احب ان اوضحه .. واحيانا ارى ان الموضوع قد تجاوز مرحلة التعليق وان النهج يسير بعيدا عن مبادئى فأمتنع عن الرد ..
عزيزى نحن لا نستطيع ان نحجب رأى او نقصف قلم والا فلنتوقف ونفضها سيرة
عموما انا اشكرك كثيرا لابداء رأيك الموضوعى وسوف اتجاوز عما تم حشره من الفاظ غير لائقة .. بتعليقك
اما عن قرار مقاطعتى لمدونة ما من عدمه فهذا قرار سيادى لا استطيع ان اجبرك عليه ولا يستطيع احد ما ان يجرنى اليه .. مع خالص تقديرى لك واحترامى
الاخ العزيز يامراكبى
حتى العقول ياصديقى تلين بالمتابعة والتدريب .. والعناد مرحلة ناتجة عن سلوكيات قديمة اساسها التدليل .. او هى عناد لمجرد العناد .. وقد تكون نتيجة لضغوط الحياه .. او الابتعاد عن نهج الله والايمان ..
وفى اى الحالات فالكل داء دواء واتمنى ان تتفتح الحقيقة امام العيون فيذوب العناد ويزهق روح الغباء
مع خالص تحياتى وتقديرى لشخصك العزيز
العزيزة وحى القلم
غالبا ما تقفل دائرة العناد على مواقف مخزية ومؤلمة فى نفس الوقت بل قد لا تتفق مع الاصول والذوق العام .. فهى لا تعبر عن الحقيقة فى معظم الاحيان ولكنها قد تغتصب حق ليس لها وهذا هو الجانب المظلم منها
اما الجانب المضئ فيها وهو قليل فهو الاصرار على الحق .. وهذه قضية أخرى ولها ناسها فهم المناضلين والرموز المضيئة فى حياتنا.... وقد يكلفهم الامر حياتهم ولكن الامر حينئذا يستحق
خالص تحياتى واهلا بك صديقة دائمة
العزيز صاحب مدونة مجنووون
اشكر لك مشاركتك واتمنى ان نفوق جميعا من غلة العناد وان نستعيذ بالله من شياطين الانس والجن ممن يصاحبون قرارتنا فلا ننهج الا منهج الحق بأذن الله
خالص تحياتى
العزيزة صاحبة مدونة اقصوصة
بالعزيمة والارادة وتخطى الصعاب والتخلى عن العناد قد نستطيع ان نحقق ماعجزنا عن تحقيقه ..
فقط فلنعدل مجال رؤيتنا للامور لنرى الزائف منها والحقيقى ولنحكم ضمائرنا التى قد تكون فى سبات عميق
عندئذا سوف تنكشف لنا حقيقة وجوهر الامور .. لعل وعسى
خالص تحياتى
كلام في الصميم بجد
ربنا يهدي
تحياتي
اوروفوار
العزيزة طهقانة
الف الف مبرووووووووووك هذا اولا ويتربى فى عزكم ...
ثانيا اشكرك على هذا الاطراء وخصوصا انه من احدى الشخصيات التى اقدرها واعزها ... واتمنى دائما دوام صداقتها
خالص تحياتى ...
ابين العقل وبين الروح مسافات ..
:)
تحياتي لقلمك المتماسك
عزيزى على الملا
اولا اهلا بك ومرحبا واهلا بمشاركتك ..
اما عن سؤالك اذا كان هناك مسافات بين العقل وبين الروح ....!!
اعتقد ان الروح تهدأ وتستقر عندما يسيطر العقل على الجسد .. وهذا مجرد رأى..
اشكرك على اطرائك اللطيف واهلا بك صديقا دائما...
لا أعتقد انك قد نسيت ولاكن يبدو انك قد دمجتها مع العموميات. الرئيس اللذي توسل به كل العالم(الصديق والغريب عدا أسرائيل) ان اخرج من الكويت لتجنب شعبك اللذي خرج توا من حرب ثمان سنوات طاحنة, والعالم جميعا,الويلات من جراء تهورك وأستهتارك...ولكنه ابى واستكبر , (والغريب انه لم يكن حتى) من النادمين.
إرسال تعليق